Şərur Rayon Tarix-Diyarşünaslıq Muzeyi

      Şərur Rayon Tarix-Diyarşünaslıq Muzeyi 1978-ci il dekabr ayının 31-də yaradılmışdır. Azərbaycan xalqının ümummilli lideri Heydər Əliyevin təşəbbüsü ilə 1980-ci ildən müstəqil muzey kimi fəaliyyət göstərir.

2018-ci ildə muzey yeni binaya köçürülmüşdür. 3 mərtəbədən ibarət olan muzey binası 2 ekspozisiya zalından, fond, bərpa və iş otaqlarından ibarətdir. Muzeyin fondunda 9500-ə yaxın eksponat var, onlardan 600-ə yaxını ekspozisiyada nümayiş etdirilir.

Muzeydə ibtidai insanların istifadə etdiyi müxtəlif əmək alətləri, misdən və saxsıdan hazırlanmış qədim məişət əşyaları, arxeoloji qazıntılar nəticəsində əldə edilmiş saxsı və keramika nümunələri, toxuculuq və xalçaçılıq məmulatları, rəsm əsərləri, kitablar, Şərur rayonun görkəmli şəxsləri, rayon ərazisində yerləşən abidələr haqqında məlumat və fotoşəkillər və digər dəyərli eksponatlar nümayiş olunur.

Ünvan: Şərur şəhəri, Heydər Əliyev prospekti
Telefon: (+994 36) 542-21-69